وجه أحمد حسام ميدو نجم الزمالك عدة تساؤلات للاعب سيد عبد الحفيظ مدير الكرة بالنادى الأهلي سابقا… جاء هذا عبر برنامج الريمونتادا الذي يقدمه ميدو على قناة المحور.

وقال نجم الزمالك السابق: أنت قوي وجامد زي ما انت بتقول؟ حلو .. أدي فرصة

للناس بقى للناس التانيه تاخد فلوس وتنافس وورينا نفسك بقى أنت جامد ولا لأ؟

وأضاف ميدو : إيه المشكلة؟ ولا أنت خايف.. لأن الزمالك البعبع بنص رجل بيعرف يكسب

وأشار مقدم برنامج الريمونتادا أن الزمالك من سنتين ثلاثة بس كان حاصل علي 80% من البطولات في كل الألعاب.

وأكد أن الزمالك الذي يلعب بـ “رجل واحدة” تخيل لو معاه رجليه الاثنين.

وبين ميدو أن التاريخ يقول لا أحد يستطيع مواجهة الزمالك لو ب “رجليه الاثنين” فما بالك لو حصل على حقه كاملا.

وأضاف هذا هو الخوف الحقيقي وفيه ناس أصابها الرعب أن الزمالك وبقية الأندية تحصل على حقوقها وأن يبقى هناك منافسة حقيقة وتلك هي الرياضة

وتساءل نجم الزمالك هي ايه الرياضة؟ يعني منافسة حقيقة وتكافؤ فرص وعدالة وان تعطينى فرصه لكى أتنافس معاك ثم قول بعدها “أنا جامد”.

وأضاف مستنكرا.. لكن انت جامد على مين؟ على ناس فلوسها بتدفع بعد سنتين ثلاثة من نهاية الموسم على ناس كل سنتين ثلاثه تضربلهم المجلس وتقيله او تحله وهذا الزمالك فيه منذ٢٠ او ٣٠ سنة.

واختتم ميدو حديثه عن الجلسة التى جمعت سيد عبد الحفيظ مع أحمد عفيفي في برنامج الكورة مع فايق بقوله : كان نفسي ابقى قاعد القعدة دي والله علشان اعرف هو جامد على مين؟ طالما انت جامد اوي ليه بتخاف لما الناس اللي حواليك تشم نفسها… هو فيه جامد يخاف من اللي حواليه .. الجامد مفروض ميهموش حد.